ദീപാവലിയോടെ 8 നക്ഷത്രക്കാർക്ക് രാജയോഗം

ഒക്ടോബർ 31 വ്യാഴാഴ്ചയാണ് ദീപാവലി. ദീപാവലി ദീപങ്ങളുടെ ഉത്സവമാണ്. ജീവിതത്തിലേയ്ക്ക് പ്രകാശം കൊണ്ടുവരുന്ന ഉത്സവം. ചിരാതിൽ തെളിയുന്ന, തെളിയ്ക്കുന്ന ഓരോരോ ദീപങ്ങളുടെ പ്രകാശവും നമ്മുടെ അന്ധകാരത്തെ നീക്കി ജീവിതത്തിലേക്ക് ഐശ്വര്യം കൊണ്ടുവരുമെന്നാണ് പറയേണ്ടത്. ജ്യോതിഷപ്രകാരം നക്ഷത്രഫലങ്ങളും ദീപാവലിയുമായി ബന്ധപ്പെട്ട് കിടക്കുന്നു. ഇതുപ്രകാരം ചില നക്ഷത്രക്കാർക്ക് രാജയോഗം, മഹാഭാഗ്യം വരുന്നു.

ഇതിൽ ഒന്നാമത്തേത് അശ്വതിയാണ്. ഇവരുടെ ജീവിതത്തിലെ അന്ധകാരം നീക്കി പ്രകാശം വരുത്താൻ സഹായിക്കുന്ന ഒരു ദീപാവലിയാണ് വരുന്നത്. ഉദ്ദേശിച്ച കാര്യങ്ങൾ ഇവർക്ക് നേടിയെടുക്കാൻ സാധിയ്ക്കും. അംഗീകാരം തേടി വരും, ഉയർച്ച വരും. സന്താന, ദാമ്പത്യ സൗഖ്യം, വിദ്യാവിജയം, ബന്ധുജനസഹായം എന്നിവയെല്ലാം ഫലമായി പറയുന്നു. ദീപാവലി ഭാഗ്യം ഏറ്റവും കൂടുതൽ ഇവർക്കാണ്.
അടുത്തത് പുണർതം നക്ഷത്രമാണ്. ഇവരുടെ ജീവിതത്തിൽ ദീർഘനാളായുള്ള സ്വപ്‌നങ്ങൾ പൂവിടുന്ന സമയാണ്. ഈ കാര്യം നടന്നു കിട്ടിയാൽ ജീവിതം രക്ഷപ്പെട്ടേനേ എന്ന് കരുതുന്ന പുണർതം നാളുകാർക്ക് ഈ കാര്യം നടന്നു കിട്ടും. ഇവരുള്ള വീട്ടിൽത്തന്നെ ഐശ്വര്യം വരും.

അടുത്തത് ഭരണി നക്ഷത്രമാണ്. ഇവർക്ക് ദീപാവലി പ്രതീക്ഷയുടെ നാൾവെളിച്ചമാണ്. ഇവരുടെ കഷ്ടപ്പാടും ദുരിതവും എല്ലാം മാറുന്ന സമയമാണ് ഇത്. വിഷ്ണു, ലക്ഷ്മീ കടാക്ഷത്താൽ അന്ധകാരം മാറും, ഏർപ്പെടുന്ന കാര്യത്തിൽ വിജയം, ധനാഗമനം, തൊഴിൽ വിജയം എന്നിവ ഫലമായി പറയുന്നു. അടുത്തത് പൂയം നക്ഷത്രമാണ്. ഇവരുടെ ജീവിതത്തിൽ രാജയോഗതുല്യമായ ഫലങ്ങൾ വരുന്നു. വീട്, വാഹനം, സന്താനയോഗം, വസ്തുവകകൾ നേടാനുള്ള യോഗം, അഭീഷ്ട സിദ്ധി എന്നിവയെല്ലാം ഫലമായി പറയുന്നു. ശത്രുനാശവും ഇവർക്കുണ്ടാകും.

രേവതിയാണ് അടുത്തത്. ഇവർക്ക് ഏറെക്കാലമായി തിരിച്ചടികളുടെ കാലമായിരുന്നു. ഇതിന് മാറ്റം വരുന്ന സമയമാണ് ദീപാവലിയോടെ വരുന്നത്. സകല ദുരിതങ്ങളും ഇവരുടെ ജീവിതത്തിൽ നിന്നും തുടച്ചു നീക്കപ്പെടും. ധനവരവ്, വരുമാനം വർദ്ധിയ്ക്കും. കടം തീർക്കാൻ സാധിയ്ക്കും. ഉയർച്ചയും ഐശ്വര്യവും വരുന്ന കാലമാണ് ഇത്.
അടുത്തത് തിരുവോണം നാളാണ്. ഇവരുടെ ജീവിതത്തിൽ സ്വപ്‌നം കണ്ടതെല്ലാം സ്വന്തമാക്കാൻ സാധിയ്ക്കും. ആഗ്രഹിച്ചതിനേക്കാൾ കൂടുതൽ നേടാൻ സാധിയ്ക്കും. ഇവരെ തേടി ജീവിതത്തിൽ ഉയർച്ചയും അംഗീകാരവും വരും, സ്ഥാനക്കയറ്റം നേടാൻ സാധിയ്ക്കും, കുടുംബപരമായി സന്തോഷം വർദ്ധിയ്ക്കും.

അടുത്തത് ഉത്രാടം നക്ഷത്രമാണ്. പേരും പ്രശസ്തിയും ഇവരെ തേടി വരും. ധനവളർച്ച, വിദ്യാവിജയം എന്നിവ ഉണ്ടാകും. പൂർത്തീകരിയ്ക്കാത്ത കാര്യങ്ങൾ പൂർത്തിയാക്കാൻ സാധിയ്ക്കും. തൊടുന്നതൊക്കെ പൊന്നാകും. ഉത്രാടം നക്ഷത്രക്കാർ വീട്ടിലുണ്ടെങ്കിൽ തന്നെ നല്ല ഫലം വരും.
ആയില്യം നക്ഷത്രക്കാർക്ക് ധനപരമായ മുന്നേറ്റം കൈവരിയ്ക്കാൻ സാധിയ്ക്കുന്ന സമയമാണ് വരുന്നത്. കുടുംബപരമായി സ്വത്ത് കിട്ടാനുള്ള യോഗമുണ്ട്. ജീവിതത്തിൽ സന്തോഷം ലഭിയ്ക്കാനുള്ള യാത്രകൾ നടത്താൻ സാധിയ്ക്കും. വിദ്യാവിജയം, ഇഷ്ടതൊഴിൽ ലബ്ധി, രോഗശാന്തി എന്നിവയെല്ലാം ഇവർക്ക് ഫലമായി പറയുന്നു. എല്ലാം ഇവർക്ക് ഗുണഫലങ്ങളായി വരുന്നു.